Шууд нислэгтэй аялал

Истанбул-Анталяа-Каппадокия аялал
/МИАТ/

ТОВЧ МЭДЭЭЛЭЛ

АЯЛЛЫН ХӨТӨЛБӨР

ҮНИЙН САНАЛ

ЗУРГИЙН ЦОМОГ

ВИДЕО

Хугацаа

8 өдөр | 7 шөнө

Улс

ТУРК

Эхлэх үнэ

5,390,000₮

Нэг өдөр нэг цаг мөчид 4 улирал зэрэг тохиох газар хаана байдаг вэ? Тийм ээ, энэ бол Турк. Гайхамшигт байгалийн тогтоц, давтагдашгүй түүх дурсгал, археологийн ховор олдворууд Туркийн аялалд таныг хөтөлнө. Хар Далай, Мраморын тэнгисийг холбон урсах “Босфорусын хоолой”-гоор усан онгоцоор аялж дурсамжуудаа нэмээрэй.

Турк улс нь гайхамшигтай байгалийн тогтоц, давтагдашгүй түүх дурсгал, археологийн үлдэгдлүүд, жилээс жилд хөгжиж буй аялал жуулчлалын салбар, зочломтгой ёс заншил, боломжийн үнээрээ зочид гийчин, жуулчдын сэтгэлд хүрч чадсан улс юм. Эдгээр олон сонголтуудаас хархад Турк улс нь сүүлийн үед дэлхийд нэр хүндтэй аялал жуулчлалын төв болоод байгаад гайхах зүйлгүй.
Гурван талаараа тэнгисээр хүрээлэгдсэн, нутаг дэвсгэрийнх нь хил хязгаарууд нь далайн эрэг, наран шарлагын газар, арлууд, булан тохой, боомт, хойгуудаар хүрээлэгдсэн байдаг.
Турк улс нь цаг уурын өвөрмөц тогтолцоотой бөгөөд нэг өдөр, нэгэн цаг мөчид дөрвөн улирал нэгэн зэрэг болж байдаг.

Онцлох газрууд:
Босфорын хоолой, Памуккале хөвөн цайз, Тройн модон морь, Эфес хот, Султанахмет сүм, Аяасофия сүм, Гранд Базаар зах.

ӨДӨР 01

Улаанбаатар-Анталяа

04:00 Онгоцны буудал дээр цугларах
07:00 Улаанбаатар хотоос Анталяа хот руу нисэх
12:00 орчимд Анталяад газардана. Хөтөч онгоцны буудал дээр тосон авч Анталья хотын далайн эрэг дээрх 5 одтой The Sense deluxe зочид буудалд хүргэнэ. Бидний байрлах энэхүү зочид буудал нь өөрийн эзэмшлийн далайн эрэг дээрх наран шарлагын газар, дотор болон гадна бассейнтай. Эргэн тойрондоо усан парк, завин зогсоол, усан спортын клуб, үзэсгэлэнт цэцэрлэгт хүрээлэнтэй бөгөөд бүх хоол буфет байх ба уух зүйлс бүгд үнэгүй. Буудлын өрөөгөө хүлээн авч аяллын ерөнхий хөтөлбөртэй танилцан хөтчөөс зөвлөгөө аван буудалдаа амрана.

Хоол: –/Өдөр/Орой

ӨДӨР 02

Анталяа, Турк /хотын аялал/

Өглөөний цайны дараа Хуучин хот, улсын талбай, эртний хотын бэлэг тэмдэг болсон Apollon Temple, Эртний Сиде хотын туурь, Манавгат хүрхрээг үзээд өдрийн хоолоо буудалдаа очиж зооглоно. Өдрийн хоолны дараа Анталяа хоттой танилцан. Дараа нь үнэт эдлэлийн дэлгүүрээр зочилж худалдан авалт хийнэ. Зөвхөн Турк улсад байдаг Султанит чулууг шигтгэн урласан алт мөнгөн эдлэл, Европ руу өндөр үнээр нийлүүлдэг үслэг эдлэлийг хямд үнээр худалдан авах боломжтой. Оройн хоолоо буудалдаа ирж зооглоод амарна.

Хоол: Өглөө/Өдөр/Орой

ӨДӨР 03

Анталяа, Турк /чөлөөт өдөр/

Энэ өдөр чөлөөт бөгөөд аялагчид өөрсдийн сонирхлоор буудалд байгаа бүхий л үйлчилгээг аван амрах боломжтой.
Нэмэлтээр авч болох хөтөлбөр 1: The Land of Legends Парк адреналин, сэтгэл хөдлөлийн домогт хаяг болох The Land of Legends бол дэлхийд алдартай олон арван дэлгүүр, зугаа цэнгэлийн парк, зугаа цэнгээний төвтэй дэлхийн хамгийн алдартай газруудын нэг юм.

Хоол: Өглөө/Өдөр/Орой

ӨДӨР 04

Анталяа-Конья-Каппадокия

Өглөөний цайны дараа Конья хотоор дайран Каппадокия руу автобусаар явна. Замдаа Конья хотоос хойд зүгт 100 км-ийн зайд байрлах алдарт Торгоны замын 13-р зууны түүхэн зочид буудал болох Султанхани Каравансарай болон 13-р зууны Персийн яруу найрагч Мевлана Румигийн бунхан болох Мевлана музейг үзэж сонирхоод Дэлхийн соёлын өв дурсгалт газар болох Кападокья-д очин Cave Hotel -д байрлан амарна.

Хоол: Өглөө/Өдөр/Орой

ӨДӨР 05

Каппадокия, Турк

Өглөөний цайгаа уугаад хотын аялал эхлүүлнэ аялал нь “Улаан зам”-ын дагуу явагдах бөгөөд Хойд Кападокийн хамгийн их гэрэл зураг авахуулсан газруудыг үзэх болно. Хайрын хөндий, Уран сэтгэмжийн хөндий хочтой Дэврентийн хөндий болон Учисарын шилтгээнтэй ЮНЕСКО-гийн бүртгэлд бүртгэгдсэн Горемийн задгай музейтэй танилцаарай. Мөн та вааран эдлэл, керамик болон гар хийцийн эд зүйлс зардаг дэлгүүрээс вааран эдлэл, лааны суурь, лонх, хивс гэх мэт бэлэг дурсгалын зүйлсийг худалдан авч болно.

Хоол: Өглөө/Өдөр/Орой

ӨДӨР 06

Каппадокия-Истанбул, Турк /хотын аялал/

Өглөө эртлэн босч өглөөний цайгаа уугаад Кападокья – г бүхэлд нь тольдох агаарын бөмбөлөгөөр аялна. Кападокийн газар доорх хот буюу дэлхийн хамгийн гайхалтай газар доорх байшингуудын нэгийг үзэн сонирхоод Буудалдаа буцаж ирэн буудлын өрөөгөө хүлээлгэж өгөөд. Өдрийн хоолоо идээд Истанбул хот руу буцна.
Истанбулд буугаад хотын аялалдаа гарна.
Дэлхийн соёлын өвд бүртгэгдсэн гайхамшигт сүм хийд, ордонтой танилцах хотын аяллаа эхэлнэ.
Аяа София, Султан Ахмедийн сүм буюу Blue Mosque зэргийг үзэж танилцана. Дэлхийн хамгийн эртний, хамгийн том худалдааны төв болох Egypt Bazaar захаар зочлон Турк улсын соёлтой танилцан худалдан авалт хийх болно.
Мөн Ази Европыг холбодог Босфорын хоолойгоор завиар аялан мартагдашгүй сайхан үдшийг өнгөрөөх ба аяллаа дуусаад зочид буудалд ирж амарна.

Хоол:Өглөө/Өдөр/Орой

ӨДӨР 06

Истанбул, Турк /чөлөөт өдөр/

Энэ өдөр чөлөөт өдөр бөгөөд аялагчид өөрсдийн сонирхлоор амрах ба бүтэн өдөр дэлгүүр хэсч болно.

Хоол: Өглөө/Өдөр/Орой

ӨДӨР 07

Истанбул-Улаанбаатар

Өглөөний цайны дараа зочид буудлын өрөөгөө хүлээлгэж өгнө. Истанбул хотын онгоцны буудлын зүг хөдлөх, Анталяа руу ниснэ. Анталяагийн онгоцны буудалд бүртгэл хийлгээд Улаанбаатар хотын зүг ниснэ.

Хоол: Өглөө/Өдөр/Орой

ӨДӨР 08